صحافت کی اہمیت ہر دور میں مسلمہ رہی ہے اور دور حاضر میں تو اس کی ضرورت پہلے سے بھی کئی گنا بڑھ گئی ہے۔ سیاسی تنظیمات سے ہٹ کر مذہبی اور رفاعی تنظیمات بھی اپنی پیش رفت بلکہ بقا کے لیے اس کی ضرورت کو محسوس کرتے ہوئے صحافتی لحاظ سے تعلقات و روابط بڑھانے کی کوشش میں مگن ہیں۔ پیش نظر کتاب صحافت کے ابتدائی دور کے ایک اہم اردو اخبار ’’سراج الاخبار‘‘ (جہلم) کی فائلز سے ماخوذ ہے۔ اپنی نوعیت کے لحاظ سے یہ کام حد درجہ منفرد بلکہ فتنۂ قادیانیت کے صحافتی محاسبہ کی اولین کوشش ہے۔مولف کتاب نے اس کے ذریعہ قادیانیت کے صحافتی محاسبہ کا ایک نیاموضوع پیش کیا ہے جس کی طرف آج تک توجہ نہیں کی گئی۔